饞。台式食堂 (如心廣場二期)

营业中

休息中

喺荃湾行完街去左呢间台湾嘢食午餐🫶🏻主打台湾夜市必备嘅香口炸物同埋卤肉类饭餐 当然唔少得珍珠奶茶等等各类台式饮品 叫左个香香鸡柳卤肉饭 ($59) 果然几惹味 鸡柳非常香脆 外皮炸衣唔算好粉好厚 系平时食开𠮶种吉列炸皮 带少少肉汁 唔嚡口 捞埋卤肉汁、粟米、酸菜 好易食哂成碗😆仲有药炖排骨面($72) 汤底清甜又带药材香 排骨大件厚肉 面质几得意 淋淋地有啲似以前细个食𠮶只蟹黄面 小食亦好多夜市炸物 叫左个虾卷($42) 外层微脆 内里几弹牙 仲加左杯三宝奶茶(+$20) 有齐珍珠、椰果、仙草 口感好丰富 抹茶珍奶(+$18)茶味好浓 饮落香滑 珍珠烟韧🤭