見見面 (亞皆老街) (已結業)

成日喺旺角行街經過都會見到呢間舖頭嘅招牌同埋廣告，今日終於有機會可以試吓呢間餐廳首先我哋嗌咗極少辣青椒魚同埋蔥爆羊肉首先青椒魚唔知係咪我哋叫咗極少辣嘅緣故味道非常清淡，冇嗰種青椒嘅香味，只有少少麻麻哋嘅味道，可能下次要叫小辣或者中辣先至比較有味道，所以建議大家如果想食辣少少或者有多啲味道嘅話，記得要叫小辣或者係中辣，極少辣係好似比較適合完全食唔到辣嘅朋友跟住蔥爆牛肉啊羊肉一上枱感覺有啲失望，第一賣相普通第二也無蔥爆羊肉嘅香味第三食落似係蠔油炒羊肉亦都比較鹹不太推介大家點蔥爆羊肉如果下次再嚟的話我會試佢哋嘅水煮牛肉或者酸菜魚，可能味道會更加豐富同出色