影片
更多
2018-01-28
212 浏览
Happy Friday，约左N年冇见的旧同事出来聚旧吹水。我地一个住东一个住西，所以约食都系中间位，拣左旺角最实际。朋友Book 左枱食泰国餐，上到去都要等一等，因为张枱未埋单。全场full house ，劲好生意。期间我地坐外面一边等，一边硏究食乜好。睇返餐牌，包括全部泰国特色食品，生虾啦、串烧啦、凤爪啦、柚子沙律啦、菠萝饭啦、明炉鱼啦、甜品及饮品，应有尽有。几乎谂得出嘅泰国食品都有，我发现唔到有咩遗漏。呢方面真系值得一赞，因为一般嘅泰国餐厅个Menu都唔会咁齐全。 等左5-10 分钟左右，就有枱了。有位靓太带枱 (可能系老板娘），一边讲左好多次唔好意思，一边帮我地手set 枱，招呼好好服务又亲切，其实都系等左一阵啫。面对个厚厚的餐牌， 真系花多眼乱，唔知叫乜好。突然闻到有碟鱼饼经过，好香呀！仲热辣辣好似好吸引㖞，就叫佢。转个头又闻到超香马拉盏味, 原来系炒什菜， 正！WoW !!!!! 烧鱿鱼呀！好香呀，流口水了。仲有隔离枱碟猪颈肉，似乎同我地 say hi 咁。于是，我地就点晒呢D香口野啦！隔左一阵，D食物就陆续登场。首先系虾饼拼鱼饼。每款有四件， 虾饼有虾味，鱼饼就充满香叶
朋友Book 左枱食泰国餐，上到去都要等一等，因为张枱未埋单。全场full house ，劲好生意。期间我地坐外面一边等，一边硏究食乜好。
睇返餐牌，包括全部泰国特色食品，生虾啦、串烧啦、凤爪啦、柚子沙律啦、菠萝饭啦、明炉鱼啦、甜品及饮品，应有尽有。几乎谂得出嘅泰国食品都有，我发现唔到有咩遗漏。呢方面真系值得一赞，因为一般嘅泰国餐厅个Menu都唔会咁齐全。
等左5-10 分钟左右，就有枱了。有位靓太带枱 (可能系老板娘），一边讲左好多次唔好意思，一边帮我地手set 枱，招呼好好服务又亲切，其实都系等左一阵啫。
面对个厚厚的餐牌， 真系花多眼乱，唔知叫乜好。
突然闻到有碟鱼饼经过，好香呀！仲热辣辣好似好吸引㖞，就叫佢。转个头又闻到超香马拉盏味, 原来系炒什菜， 正！
WoW !!!!! 烧鱿鱼呀！好香呀，流口水了。
仲有隔离枱碟猪颈肉，似乎同我地 say hi 咁。
于是，我地就点晒呢D香口野啦！
隔左一阵，D食物就陆续登场。首先系虾饼拼鱼饼。每款有四件， 虾饼有虾味，鱼饼就充满香叶味，全部都炸到金黄卜卜脆，外脆内软。我钟意鱼饼多D，但朋友就话虾饼好D，各有捧场客。
虾饼拼鱼饼
$78
5 浏览
0 赞好
0 留言
烧鱿鱼筒，泰国的经典小食，一上来已经惹来隔离枱的羡慕目光。烧得好香，又唔会干，鱿鱼筒够大只，好抵食。唯独佢D辣汁唔够辣，如果可以配埋青色果只劲辣的辣汁，咁就十足十有泰国夜市烤鱿鱼的风味了。
原只烧鱿鱼筒
$95
23 浏览
0 赞好
0 留言
马拉盏炒什菜：
足料- 起码有九种不同的菇及蔬菜；
入味 - 马拉盏好香虾味，香辣味浓而不会太咸，每条菜都入味惹味，冇得输！
马拉盏炒什菜
$68
21 浏览
0 赞好
0 留言
炭烧猪颈肉，呢碟响隔离枱已经同我地挥手既菜式，果然正！脂肪同肌肉分布平均，肥瘦适中，好爽口弹牙。再加上佢用好多香料造的自制辣汁，简直有点睛的效果。
炭烧猪颈肉
$78
14 浏览
0 赞好
0 留言
饮品我地叫左青柠梳打同芒果沙冰。
其中芒果沙冰真系有芒果肉，饮落好香甜好实在，唔知用左几多个芒果打成呢？$38 真系抵饮。
芒果沙冰
7 浏览
0 赞好
0 留言
朋友话青柠梳打都好味，酸甜度适中。
叫左咁多香口野，配 D refresh 饮品简直系最佳配搭。
青柠梳打
$32
7 浏览
0 赞好
0 留言
呢间泰菜地点方便就脚，服务好上菜快，侍应主动斟水收碟。
如果大家去到旺角想揾间平靓正嘅泰国菜，真心推介。提提你，我哋食完埋单都仲系好旺场，如果想食记住要book枱。
张贴
