BnR (已結業)

喺荃灣搵食，來來去去都係啲商場？識食就梗係，逐條街，逐條食….黎到大壩街搵食，行行吓見到一間叫BnR標榜就係湯、麵、飯。今晚凍凍地，見到餐牌，有籠仔飯，即刻被吸引咗入去。即叫即蒸，要等足15分鐘。不過真係勁有誠意，等左陣，唔使喺面前開籠蓋，都已經香噴噴，熱辣辣，勁出煙。目測有十塊啖啖肉嘅龍躉，最有誠意嘅，真係要要數去嗰個炒飯加蛋做底，再原籠拎去蒸，龍躉汁滲透每粒炒飯，每啖都係濕潤有乾身嘅炒飯。第二樣就叫咗藥膳湯釀墨魚筒淮山麵藥膳清湯完全零味精真係可以成碗飲晒四條墨魚筒釀左墨魚膠喺裏面，啖啖肉加埋一個爽口嘅淮山麵係一個Perfect match最好嘅係加多$10就可以有一支白桃烏龍兩個人食，每人唔使100，就可以醫飽肚。