BnR (已結業)

喺荃湾揾食，来来去去都系啲商场？识食就梗系，逐条街，逐条食….黎到大坝街揾食，行行吓见到一间叫BnR标榜就系汤、面、饭。今晚冻冻地，见到餐牌，有笼仔饭，即刻被吸引咗入去。即叫即蒸，要等足15分钟。不过真系劲有诚意，等左阵，唔使喺面前开笼盖，都已经香喷喷，热辣辣，劲出烟。目测有十块啖啖肉嘅龙趸，最有诚意嘅，真系要要数去𠮶个炒饭加蛋做底，再原笼拎去蒸，龙趸汁渗透每粒炒饭，每啖都系湿润有干身嘅炒饭。第二样就叫咗药膳汤酿墨鱼筒淮山面药膳清汤完全零味精真系可以成碗饮晒四条墨鱼筒酿左墨鱼胶喺里面，啖啖肉加埋一个爽口嘅淮山面系一个Perfect match最好嘅系加多$10就可以有一支白桃乌龙两个人食，每人唔使100，就可以医饱肚。