古珐蛋糕 (花園街) (已結業)

今年有台湾兴起嘅古早味蛋糕喺香港开到成行成市，要揾一间有佢嘅独特风格同埋特色嘅古早味蛋糕舖头的确系有啲困难，今日行街经过太子嘅时候，见到一间好似系新开嘅古早味蛋糕舖头，离远都闻到𠮶阵香喷喷嘅蛋糕味，结果忍唔住去咗间舖头买咗一个返屋企食。点解我话呢间有佢嘅独特风格，系因为佢嘅口味系其他蛋糕店揾唔到嘅，平时好钟意咸蛋𠮶种香味，间舖头咁啱就有咸蛋黄味嘅古早味蛋糕，你话点可以唔拣呢个蛋糕食呢。佢所有蛋糕都系现场整嘅，所以好新鲜出炉！讲真真系好抵食，份量好充足，而且𠮶啲咸蛋黄系遍布成个蛋糕，所以非常推荐大家去呢间蛋糕店买返个返屋企食，我下次都会去试吓佢其他嘅口味。