影片
更多
2024-08-05
7986 浏览
又到同老婆大人去叹下午茶嘅日子！呢次我哋去食嘅下午茶除咗好味之外仲有佢最钟意嘅香味。下午茶就系帝乐文娜公馆FINDS度食，同本地香氛品牌BeCandle合作嘅北欧舒心下午茶，一打开䢂门已经闻到𠮶阵好香嘅松针味劲好舒服。老婆睇香氛睇到好开心要拉佢返埋位！因为我哋叫嘅北欧舒心下午茶已经嚟咗喇。男人对shopping始终冇乜兴趣！但系食嘢我永远都系第一个冲埋位哈哈。下午茶本身已经有咖啡或者茶饮，不过见到呢两杯要另外收钱嘅特饮好正咁，我梗系唔孤寒嗌埋俾老婆大人饮啦，佢今日唔想饮酒就嗌咗呢杯莓语花开，我试咗一啖有啲好香嘅莓味唔错㖞。而我梗系嗌杯Cocktail饮啦！我呢杯叫做绿悠仙子系Gin嘅鸡尾酒嚟，入面仲有啲青柠汁、苹果汁同埋青瓜味道好鬼清新。有正嘅饮呢个时候梗系开餐啦！咸点分咗森林同埋湖泊及峡湾两Part，首先食咗湖泊、峡湾嘅火炙鳟鱼同埋烤北海道带子。火炙鳟鱼食落口好润滑，夹埋啲三文鱼籽同埋酸忌廉味道好丰富。呢个系烤北海道带子外层少少熟入面仲系保持小小刺身嘅嫩滑口感，最得意系一粒粒𠮶啲原来系橄榄油珍珠，爆咗之后啲橄榄油加埋黄金甜菜头度一齐食，真系唔止鲜味咁简单。跟住我哋走入森林食呢件鸡油菌
下午茶就系帝乐文娜公馆FINDS度食，同本地香氛品牌BeCandle合作嘅北欧舒心下午茶，一打开䢂门已经闻到𠮶阵好香嘅松针味劲好舒服。
老婆睇香氛睇到好开心要拉佢返埋位！因为我哋叫嘅北欧舒心下午茶已经嚟咗喇。
男人对shopping始终冇乜兴趣！但系食嘢我永远都系第一个冲埋位哈哈。
下午茶本身已经有咖啡或者茶饮，不过见到呢两杯要另外收钱嘅特饮好正咁，我梗系唔孤寒嗌埋俾老婆大人饮啦，佢今日唔想饮酒就嗌咗呢杯莓语花开，我试咗一啖有啲好香嘅莓味唔错㖞。
而我梗系嗌杯Cocktail饮啦！我呢杯叫做绿悠仙子系Gin嘅鸡尾酒嚟，入面仲有啲青柠汁、苹果汁同埋青瓜味道好鬼清新。
有正嘅饮呢个时候梗系开餐啦！咸点分咗森林同埋湖泊及峡湾两Part，首先食咗湖泊、峡湾嘅火炙鳟鱼同埋烤北海道带子。
火炙鳟鱼食落口好润滑，夹埋啲三文鱼籽同埋酸忌廉味道好丰富。
呢个系烤北海道带子外层少少熟入面仲系保持小小刺身嘅嫩滑口感，最得意系一粒粒𠮶啲原来系橄榄油珍珠，爆咗之后啲橄榄油加埋黄金甜菜头度一齐食，真系唔止鲜味咁简单。
跟住我哋走入森林食呢件鸡油菌法式冻批，劲有咬口嘅冻批用咗黑松露食落去味道特别浓厚，个鸡油菌仲劲多汁好好食㖞。
呢件咸点就够晒特别系鹿肉，香港下午茶食到鹿肉真系少之又少！整到半熟嘅鹿肉食落去有佢嘅独特香味，加埋下面𠮶块劲好味嘅脆饼同埋蜜糖芥末酱，呢件咸点嘅味道超啱我胃口。
食完我觉得好精彩嘅咸点之后，就叹老婆大人最钟意嘅松饼，连同松饼会跟埋皇后果酱同埋clotted cream。
热辣辣香脆嘅红莓松饼搽咗果酱同埋cream又真系几吸引嘅！唔怪得知老婆大人咁钟意食。
甜品都系有四款细细件咁样食晒都唔会好漏。
呢件系南瓜甘笋蛋糕入面有好多一粒粒嘅果仁，面头𠮶啲系带咸味嘅忌廉芝士，加埋甜甜地嘅蛋糕食落去都几有化学作用。
呢件系苹果金宝脆筒个样好鬼精致，香脆嘅口感几啱我嘴型，唔怕肉桂味嘅我队咗两件，因为老婆大人唔like食肉桂味哈哈。
如果钟意食芝士蛋糕咁呢一件小巧精致嘅芝士蛋糕一定啱口味，除咗香浓嘅芝士味之外仲有杏桃果酱，多咗一重味道感觉又好唔同。
最后我哋仲有呢杯越橘黑朱古力意式奶冻！粉红色嘅样好易吸引女性，不过我就俾佢嘅酸甜好味吸引咗㖞，而且奶冻仲好香滑添呢杯甜品好食呀。
嚟呢度食下午茶仲可以即场收到一份BeCandle嘅松针特别套装，套装总值$520个下午茶都只系$588两位，攞两套走即系免费食下午茶仲有赚爆抵食！另外喺BeCandle门市或者R BeCandle网站购买佢哋嘅产品或工作坊仲有九折优惠㗎。
张贴
