寶寶雞煲 (已搬遷) 新店位置

鸡煲出名，咁嚟到梗系要试下。奇味但味道一啲都唔‘奇怪’。拣咗新鲜走地鸡，肉质好实，啖啖肉，系咪走地鸡走得多，肉都会实啲。鸡煲上枱嘅时候都差不多熟哂，店员兜两兜，即刻香气扑鼻，就连啲配料都好入味。鸡煲过后，店员加入上汤，即到打边炉时间。主攻丸，叫咗四款： 手打虾丸、自制墨鱼丸、台湾贡丸、姜味猪筋丸。贡丸好爽，而姜味猪筋丸重姜味，之后系食到似猪润嘅味道。日本黑豚肉，好好味，好爽，唔会话好肥或者好韧，打边炉一流。其他配料都唔错 (冬瓜片、冰豆腐、黄芽白、凤城水饺)。佢大部份嘅食物都而有一份或半份俾你选择，咁就可以试多啲。朋友另外点咗‘巨无霸装咸柠七’，真系好大杯，冻饮配火锅，正。