8鍋臭臭鍋 (謝斐道) (已結業)

同朋友系铜锣湾行完街，大家都好攰好肚饿，行经鹅颈桥附近见到呢间8锅臭臭锅，入面啲人一人一锅咁食，十分吸引，就忍唔住入咗去食。餐牌上面除左有哂各款锅既相片同埋材料，更有酱料调配既份量教学，十分贴心。我地叫左一个咖喱奶盖锅，一个酸辣羊肉锅，另外再加左一份盐酥鸡。一个锅要左粉丝，另一个加$12转咗做卤肉饭。盐酥鸡都几大份，啱啱炸完就上枱，热辣辣，十分香脆。鸡肉十分嫩滑，一咬落去啲肉汁流出，香味扑鼻。个盐酥鸡虽然香味浓郁，香料味十足，但都唔会感觉肥腻。至于个酸辣羊肉锅，叫左小辣，辣度适中，有辣味之余唔会呛喉，适合唔食得辣嘅朋友。汤底开胃，吸收左羊肉嘅香味，味道一流。个锅入面都有几多片羊肉，仲有娃娃菜，酸菜，金菇之类。比较特别有米血糕，甜不辣同福州鱼蛋。羊肉带有骚味，金菇同菜吸收左汤汁，非常好食。甜不辣非常之有咬口，更吸收左汤嘅辣。福州鱼蛋非常特别，系鱼肉入面有猪肉馅，口感有层次。咖喱奶盖锅亦做得唔错，汤底有好浓郁既咖喱味，但唔会太咸。猪肉片咬落有口感，亦都唔会太肥。鱿鱼圈爽口弹牙，点左酱汁更是惹味。黄金鱼子球则最为特别，入面既鱼子十分香浓，一咬落去啲鱼子就爆哂出黎。加配既卤肉饭都做得几好，卤肉