而打淥滷汁拌粉 (青衣城2) (已結業)

行过青衣城2期就会闻到好香卤水味，原来系一间叫而打渌嘅餐厅传出。餐厅望落去会感受到好似夜市嘅感觉，灯光明亮，色彩缤纷嘅招牌同埋夜市摊位嘅风格，彷佛好似身处喺一个热闹嘅夜市入面。🎪✨我试咗台风定食，个套餐可以有好多选择🍽️😋。我拣咗三丝伴冷面，跟餐前小食有粟米荀同莴荀，点知我自己拣嘅三丝伴冷面除咗猪耳之外都有粟米荀同莴荀🤣🤣。三丝伴冷面整体唔错，我特别钟意个面质唔会太淋，加上调味料味道丰富。饮品我拣咗麦仔茶，之前放题饮过一试难忘！🍹🌞然后仲有卤汁拌粉，卤汁嘅味道全完融入弹牙嘅面线，最啱加上一旧煮到软淋淋嘅古早厚切腩肉，一刚一柔十分配合。😍🍜值得一提另一个招牌盐酥鸡，每块鸡都炸得热辣辣，一咬落去，外皮酥脆，内里嫩滑，盐酥味好香！🍗🔥呢款盐酥鸡真系好吸引，我忍唔住系街一边行一边食！最后仲有黑糖姜母仙草。呢碗糖水饮落有黑糖香气，仲带有微微嘅姜味，入面仲有仙草同埋爱玉，味道丰富多层次！🍨🌿