Hunger Burger

营业中

休息中

行经西九龙中心，food court入面多咗一间卖汉堡快餐小食嘅餐厅，价钱经济实惠，仲有优惠，一于同朋友去食。餐牌有多种汉堡，有常见嘅牛堡、鸡堡等等，仲有吉列类别添。食物全部即叫即煮即炸，热辣辣。超经典芝士牛堡($50)，汉堡大大个，热辣辣又香。肉块好重牛肉香味，而且厚身，d肉汁边咬边流出黎，超juicy。而芝士半熔，配搭蕃茄、生菜、茄酱，就系传说中嘅经典口味。面包面好多芝麻，烘过嘅包系好食d，香。加$15仲可以升级套餐，有薯条及可乐，或者再加钱可以有其他小食/饮品。薯条属于厚身，口感十足，脆脆地且香口，仲要份量唔少添。食哂成个套餐之后超级饱。大大啖吉列鱼柳堡($49)，吉列鱼柳炸过后脆卜卜，炸皮薄身，鱼柳肉质滑嫩，同样大大块，大过个面包。加入洋葱、酸瓜，酱汁清新，配搭炸物完全唔会油腻。愈食愈开胃。如果take away，仲有店舖胶袋装好一盒盒。堂食就可以坐系food court提供嘅座位。