釜之魂釜飯專門店 (淘大商場) (已結業)

今日同朋友嚟到九龙湾淘大揾食，当经过呢间餐厅嘅时候，就被它的门面设计吸引。餐厅主要供应唔同配料嘅釜饭，门外展出盛载釜饭嘅容器，令人置身于美食展覧馆般。室内环境以青绿色及木做主调，感觉时尚年轻。某些椅背仲放左emoji公仔牌，顾客可以攞住嚟摆个靓pose影相，朋友平日最钟意系社交平台呃下like，都忍唔住叫我帮佢影左几张靓相。😎😉揭开餐牌，最吸引我嘅就系鳗鱼釜饭。餐厅主要用餐纸点菜，谂左一阵，我同朋友点了金魂(极)、鲷鱼竹笹、甘露甜薯🍠及肮脏炸香蕉🍌。金魂(极)附送前菜及面豉汤，前菜有酸青瓜及鳗鱼粒。鳗鱼釜饭卖相非常吸引，份量十足。鳗鱼肉厚，咬落肥美，鳗鱼汁鲜甜，加埋芝麻，非常香口，饭粒饱满富黏糯口感，捞起上嚟，热辣辣、香喷喷，将鳗鱼及饭一起放入口，感觉非常幸福！🥰鲷鱼竹笹，弹牙爽口，质感及味道似平时较常食嘅狮子狗鱼丸，但质感更厚实，味道更鲜味，配埋甜甜地嘅酱汁，非常滋味！😋甘露甜薯外面炸到金黄色，配埋芝麻，好香口，食落感到淡淡嘅甜味而不油腻，营养丰富。肮脏炸香蕉🍌，外层朱古力粉包住香蕉味嘅黏糯米，口感烟韧。作为饭后甜品，为呢一餐划上完美嘅句号。