鰻の成瀬

营业中

休息中

今日想去铜锣湾买个外卖返屋企慢慢食，于是就去咗SOGO楼下好多日式料理选择嘅楼层。见到有一间专系食鳗鱼嘅店舖，离远已经闻到好香嘅烧汁同埋鳗鱼味。鳗鱼饭（梅） 佢嘅鳗鱼饭一共有四个大细可以选择，我就拣咗第二细嘅梅。虽然佢唔系最大嘅份量，但系佢嘅鳗鱼都好大条，而且饭都好足够。佢既鳗鱼烧得好香，加埋佢嘅饭好有咬口，整体嚟讲算系一个好食嘅鳗鱼饭。鳗之饭团DX 除咗普通鳗鱼饭之外，佢都有好多唔同选择嘅饭团。而佢呢一个饭团嘅鳗鱼份量非常多，而且饭团烧到脆脆地，好有口感。鳗鱼玉城烧 其实呢一个就系鳗鱼玉子烧，玉子烧好甜，加埋鳗鱼嘅香味，层次非常丰富。鳗之烤饭团唔够饱其实可以选择呢一个饭团，同上面嘅有少少唔同，呢个饭团嘅鳗鱼肉系喺饭入边，份量相比冇咁多，但系都相当之香。