影片
更多
2023-05-13
915 浏览
小店由印度厨师们主理，每位厨师行过见到食客都好笑容，热情地打招呼，令人感觉轻松舒服。店面细小，只有大概20-24座位，枱之间连接紧密，坐起来狭窄。食物方面 - 附送小食印度脆饼︰每位食客都有一卷好似墨西哥Nachos 嘅小食，偏薄身，唔硬而且脆口。上面洒满盐巴、黑椒，有种辛辣感，偏咸。烧烤拼盘 - 每次去到不同印度餐厅必点，只要基本传统菜式Tikka 煮得好，对其他食物都较有信心。热铁板捧上餐枱，肉汁仍然滋滋地烧住，感觉好似小时候去西式扒房。Chicken Tikka︰用酸奶腌渍过加咖哩汁烧烤，四大件鸡胸啖啖肉，食落嫩滑唔柴口。香料带点微辣，调汁基底其实做得唔错但偏咸，落盐份量重手了。食完会口渴，同时盐太多已经盖过部份咖哩香。Tandoori chicken︰选用鸡腿肉就算经烧过一样嫩滑，汁底同Chicken Tikka差不多，只系香料味无咁重，而且咸度较正常。Fish Tikka︰浓郁咖哩味！唔咸偏淡，可以突出咖哩粉香料。比较辛辣，一时唔为意就会抢到喉咙，嗜辣朋友不妨一试。Lamb sheek kebab︰羊肉串肉质松软，香浓酥味，系高质素嘅羊酥，绝对无酥臭！食材系用心挑选，可惜调味
店面细小，只有大概20-24座位，枱之间连接紧密，坐起来狭窄。
食物方面 - 附送小食印度脆饼︰
每位食客都有一卷好似墨西哥Nachos 嘅小食，偏薄身，唔硬而且脆口。上面洒满盐巴、黑椒，有种辛辣感，偏咸。
印度脆饼
9 浏览
0 赞好
0 留言
烧烤拼盘 - 每次去到不同印度餐厅必点，只要基本传统菜式Tikka 煮得好，对其他食物都较有信心。
热铁板捧上餐枱，肉汁仍然滋滋地烧住，感觉好似小时候去西式扒房。
Chicken Tikka︰
用酸奶腌渍过加咖哩汁烧烤，四大件鸡胸啖啖肉，食落嫩滑唔柴口。香料带点微辣，调汁基底其实做得唔错但偏咸，落盐份量重手了。食完会口渴，同时盐太多已经盖过部份咖哩香。
Tandoori chicken︰
选用鸡腿肉就算经烧过一样嫩滑，汁底同Chicken Tikka差不多，只系香料味无咁重，而且咸度较正常。
Fish Tikka︰
浓郁咖哩味！唔咸偏淡，可以突出咖哩粉香料。比较辛辣，一时唔为意就会抢到喉咙，嗜辣朋友不妨一试。
Lamb sheek kebab︰
羊肉串肉质松软，香浓酥味，系高质素嘅羊酥，绝对无酥臭！食材系用心挑选，可惜调味真系十分咸，咸到唔想食晒成串。
烧烤拼盘
$198
9 浏览
0 赞好
0 留言
印度炭炉烤鲳鱼︰
同烧烤拼盘一样，热铁板捧上餐枱。鲳鱼比想像中细条扁身，肉质嫩滑，鱼骨、鱼皮焦脆，口感丰富。但肉量唔多，同朋友分享各半条就未够满足。
印度炭炉烤鲳鱼
$138
14 浏览
0 赞好
0 留言
香料炒椰菜花薯仔︰
薯仔煮到又绵又粉，椰菜花炒得爽口。但依碟蔬菜真系10个咸，咸到食咗两粒薯仔已经顶唔顺，大半碟都无食到。
香料炒椰菜花薯仔
$78
12 浏览
0 赞好
0 留言
原味烤饼及香甜奶油烤饼︰
原味烤饼热辣辣，面粉香加上刚烘热出炉嘅感觉好满足，淀粉人会钟意依种充实质感。
烤饼
$20
5 浏览
0 赞好
0 留言
奶油烤饼系女店员推荐，松软、一层层一丝丝嘅酥饼好传统。奶油味唔重，其实食落比较普通。
香甜奶油烤饼
$22
16 浏览
0 赞好
0 留言
总结︰
经过附近，又想试新嘢，不妨一食。但如果特地嚟或者翻桌，就不了。
张贴
