岩鹽日本料理 (利舞臺廣場) (已結業)

正所謂美食之秋，入秋之後特別多好野食，今日去食尼間日本餐廳，顧名思義，佢出名既係岩鹽調味料，同埋特製釜飯。

今次叫左香魚釜飯($128)，日本南瓜天婦羅($58)，蟹味噌甲羅燒伴法包($68)，蟹肉香芒薄餅卷($78)，青檸梳打($26)。

香魚釜飯

$128

店員推介尼個新推出香魚釜飯，佢好耐心咁講解。先等一分鐘，等飯焗熱，打開蓋，已經香噴噴。

香魚一大條，骨唔算多，容易食，飯內有魚仔，栗子，冬菇絲，雞蛋絲，撈勻就食得。

最後留少少飯，倒入泡茶，加紫菜片，又係另一種滋味食法。米粒有埋淡淡茶既清香，底下有飯焦都好正。

日本南瓜天婦羅

$58

大大片厚身南瓜片，內裡好軟身，清甜，外皮既炸粉唔會過厚，脆脆地。平時食天婦羅會點醬汁，係呢度就要沾天然岩鹽，鹹味同南瓜既甜味相映成趣。

蟹味噌甲羅燒伴法包

$68

蟹味噌甲羅燒伴法包

$68

蟹蓋仔裝住燒過既蟹膏，魚子，同鵪鶉蛋既混合物，店員提過會係墨綠色，幾得意。配埋法包一齊食，配搭沙律，好清爽。

蟹肉香芒薄餅卷

$78

蟹肉香芒薄餅卷

$78

另一款蟹肉既煮法，薄皮包住芒果及蟹肉絲，酸酸甜甜，而且蟹肉量多，啖啖肉。

青檸梳打

$26

最後飲番杯青檸梳打，中和一下頭先食既野食，滿足。

整體，食到地道既日本釜飯，好滿足。除左有唔同種類既釜飯可以揀，仲有唔少小食添。