喜來稀肉 (已結業)

今晚肥鸡特登约朋友去食好耐冇食过嘅喜来稀肉烧烤， 呢间韩国过江龙喺香港扎根多年， 水准一直保持响满意嘅水平。 一坐低已经准备晒韩式小菜例如腌萝卜， 泡菜， 腌青瓜， 生菜等。 仲有泡菜蛋同埋芝士蛋， 以上呢啲全部都系任食非常之抵。 嚟到一定嗌佢嘅招牌喜来稀肉同埋 五花肉， 佢嘅牛肉腌得非常之有味， 烧十五秒就已经熟。 配埋腌萝卜食， 非常之解 油腻。 再嗌多个猪五花， 韩烧必备。五花肉嘅油烤得滋滋作响 ， 配上清爽嘅生菜，再加一口蒜片， 非常道地嘅食法。 再嗌多个泡菜海鲜煎饼， 足料嘅海鲜配上酸口嘅泡菜， 已经可以唔使食饭就会饱肚。 再整多个解酒汤， 入面有菜干辣椒同埋排骨大酱汤， 汤底非常之爽口。