Pepper Lunch Express (朗豪坊)

营业中

休息中

饭脚同事今日放假，自己一个唔知食乜好，于是走左去朗豪坊上面个 food court 望下。走入 food court 范围，已经闻到 Pepper Lunch 香喷喷嘅铁板牛肉饭香味，好吸引。Lunch Time 比较多人，等左15分钟先拎到餐。提供两款酱汁、即磨黑椒、幼盐，客人可因应自己口味而调味。黑椒牛肉饭 + 可乐 $58热辣辣嘅铁板上面，放有粟米粒同牛肉。要快快手将食材、酱汁同饭捞埋，先可以利用铁板热力将牛肉整熟。牛肉方面，当然称唔上嫰滑，但牛肉好大块。而酱汁方面，我两款都有试，自己比较钟意蜜糖酱汁，加埋饭入面嘅黑椒粒，甜甜辣辣好惹味。