可可豬椰香海南雞專門店

营业中

休息中

紅磡一向多野食選擇，因為疫情關係，而家多數都係買外賣返屋企食，今日經過呢間海南雞飯店，就比佢佢椰香海南雞飯吸引住，一於試吓啦。出面多數海南雞嘅飯都係油飯，呢間主打椰香飯都幾特別，d飯勁香椰子味，鍾意食椰子一定唔可以錯過，而d雞都好嫩滑，而且冇骨，配埋d秘制海南雞醬一流，仲有d羅白絲做配菜同個湯，都幾抵食。驚嘆黑蒜醬燒豬軟骨配白飯，d肉炆得好淋，好入味，個醬汁有少少甜甜地，仲有勁香黑蒜味，個汁撈飯勁正。蒜泥白肉，片片都好大塊豬腩片，唔太肥，而且入口爽口，配埋佢個大量蒜頭嘅醬汁，勁惹味，份量都唔少，都有好多片。呢度d飲品種類都幾特別，我就叫咗2款試試。熱情豐盛，好香熱情果味，唔太甜，入面勁多熱情果肉酸酸甜甜好開胃。金羅漢果養生茶，呢款好清潤都唔太甜，入面仲有紀子，真係好養生。