六十六十火鍋 (已結業)

黎到六十六十火锅，又系时候渌下烚下啦。我地book 左八点半，我八点三到，佢基本上系满座劲旺场，因为有人啱啱埋单，所以都可以直入。今次叫左个椰子文昌鸡套餐，可以选八款海鲜，六款配料。一入座佢就比个酱料盘你选。首先佢上左鸡件先，水滚掉落个锅到，等再滚就熄火焗五分钟食得。啲鸡好生鲜冇雪味，仲好滑添。个椰子鸡煲好香好多椰肉，咁我地就开始忍不住饮下汤🤤🤤🤤然后佢就上海鲜啦。我地有鱿鱼，饱鱼，蛏子。。。。。。好震惊地，我地发现啲海鲜系真系好新鲜(冇expect 两百几啲料咁好xd) ，啲鲍鱼仲郁紧🙀🙀🙀对唔住我地照渌😂但真系好好食，又弹牙，又嫩~海鲜食到咁上下，佢就上最后既配菜，有手打墨鱼丸，娃娃菜，西班牙梅头肉，肥牛，我地食到咁上下食唔落，仲将本身叫既乌冬转左做唐生菜~ 不得不提既系，个梅头肉好好食！肉质够鲜香又肥，好唔错~我地差不多食到十一点，好自由，都冇人催我地埋单。间野明码实价，唔收加一，材料新鲜，服务快速友善，又近地铁，可以一战~