波仔

营业中

休息中

🏃‍♂️💨成日早餐都好赶时间唔得闲食，买波仔就快靓正。今日经开地铁站，见到真系有好多唔同款，可以换住嚟食唔同嘅早餐。🍛冬菇滑鸡蒸饭之前冇见过呢个蒸饭，睇配料真系几健康，有菜又有肉。鸡肉几滑，冬菇带少少香气，饭嘅质感唔会太干，整体嚟讲方便快捷，够饱肚。虽然味道唔算好重，但作为即食饭，绝对系一个唔错嘅选择，特别系赶时间嘅时候。🥣花生眉豆炖鸡脚汤呢个汤有淡淡嘅花生同眉豆香味，鸡脚嘅胶质都几丰富，汤底唔会太油，饮完有种暖笠笠嘅感觉。🍞花生酱西多土建议用气炸锅。呢款西多土有阵浓郁嘅花生酱味，几适合做早餐或者下午茶。甜度唔会过火，适合钟意花生酱嘅朋友。🍱和风牛肉饭牛肉片份量唔算多，但酱汁调得几好，有啲日式风味，唔会过咸，配饭食落几惹味。