愛上米線 (美輪大廈) (已結業)

突然心血来潮好想食酸辣米线🍜我一谂就谂起最近去过嘅铜锣湾爱上米线🍜而上次讲过佢哋用嘅猪肉系用新鲜猪肉之外，佢哋用嘅盐系海盐，米系珍珠米，咁样就食得更加健康啦，除咗用料靓，佢哋嘅服务仲好好㗎，细心热情有活力👍🏻👍🏻👍🏻而最近我屋企嘅就系北角呢间分店，因为而家冇得堂食就唯有嗌外卖啦，而佢哋而家嗌外卖仲可以减$10添。话梅小蕃茄用话梅浸嘅蕃茄，呢个蕃茄味食落去酸酸甜甜，有话梅味再加蕃茄味，特别开胃，呢个小食系必食，一定要推介👍🏻麻辣猪耳朵麻辣够入味，猪耳朵够爽。剁椒皮蛋秘制嘅剁椒，酸酸辣辣配埋皮蛋特别好味😋红烧排骨汤米线🍜（牛骨汤）用牛骨熬制嘅红烧汤底，够入味。排骨鲜嫩米线弹牙。炸虾酱鸡翼肉沫拌饭炸虾酱配鸡翼非常嘢味，再跟埋新鲜嘅猪肉沫拌饭一流👍🏻火爆肥肠伴米线清甜嘅青椒🫑加滋味嘅猪大肠，伴埋佢嘅炸黄豆，非常爽脆。