丹丘蒸留所試酒室 (南豐紗廠)

营业中

休息中

丹丘蒸留所试酒室今日嚟咗南丰纱厂行完狗狗市集之后，见到有间试酒室，即场报名学人品酒，报咗一个系Gin Tasting，45分钟$128。我平时饮开都系红酒/白酒/啤酒/梅酒等，最劲一次都系胆粗粗试过茅台，今日试饮Gin酒都系第一次，参加品酒亦都系第一次，而且呢度都几方便轮椅人士嚟，地方好阔落，大约有1000平方呎，导师又讲得好详细，仲讲到超哂时添！🤣今日计埋我只有四位同学，可以话叫做小班教育，人少少会集中d，问问题时间又会多咗d机会。「丹丘」系出自诗人-李白，意思系指酒，创办人系想以酒会友，享受美酒，顺便推广香港自家研发嘅Gin酒，导师话Gin酒主要系杜松子为主嘅berry，有药性，以前d人系医病，另外都有芫荽、肉桂等...导师教我哋品酒三动作，先观察、挂杯，嗅完先再饮。「浪」完d酒如果酒流落去系嘅话，酒精浓度代表越高，糖份就越少。佢哋自家研发「白兰树下」嘅gin酒系加入咗大埔林村嘅白兰花、15年陈皮、狮丰龙井茶、 当归同檀香。 另一款系「淡墨」（咖啡味酒），味道香甜顺滑，我自己觉得比较甜，导师话已经用咗代糖，如果要跟欧盟标准就要有10％糖份，我就建议咖啡味如果出多少少更好饮！之后导师