時新漢堡飽 (已結業)

读书时期成日都会帮衬时新红磡旧舖，佢喺黄埔重开之后第一次食返，再回味下港式汉堡包独有嘅味道～手打汉堡扒咬落好juicy；芝士虽然冇西式汉堡半溶嘅效果，但加埋煎蛋同汉堡包都好夹；时新酱系包嘅灵魂，秘制沙律酱味道好突出，不过酱汁太多有少少盖过咗汉堡扒嘅肉味。生炸鸡髀都系必点嘅，卖相色泽几靓，鸡皮香脆，鸡髀厚肉多肉汁，调味亦恰到好处。炸薯条系传统茶记波浪薯条，薯条偏硬身唔够酥脆，略欠调味，加番啲胡椒盐点茄汁食就冇咁寡。