和藏桂林夜市 (已結業)

下午茶时间见口痕痕，食完饭冇耐，冇理由又食饭架？最好紧系笃串嘢食，奈何香港笃串嘢食嚟嚟去去都系鱼蛋烧卖煎酿三宝，内脏鲁味我又唔多好，咁究竟我仲有冇第二个选择呢？当经过呢间和藏桂林夜市就出现喇。佢就系避风塘豆腐！怀住（香港总于有香港人嘅手信喇）嘅感觉，胆粗粗咁叫咗两件，原本以为佢攞起手跟住落啲避风塘配料就算，点知佢即炸㖞！我当堂打咗个突，心谂：咁有诚意？等咗一分钟度就炸好，味道配合得非常好，少少辣，加啲豆瓣酱直情一流。而豆腐本身有口感，配合钟意食清嘅我，简直一绝。价钱亦叫做中规中矩啦。下次经过要试下水准能唔能够保持先得。