糖樓甜品 (已結業)

好似港式奶茶一样，麦精陪伴好多香港人成长。好开心有舖头用佢嚟做甜品，希望嚟紧会见到更多有香港风味嘅嘢食！☝🏻胚芽朱古力汤圆 (麦精汤底) 🍫🍡朱古力汤圆总共有6粒，大细啱啱好，一啖一粒，咬开仲有少少朱古力酱喺入面。麦精汤底系原汁原味，感觉冇沟水，我都冇谂过原来佢同朱古力味咁夹🤔。神来之笔系面头嘅胚芽，咬落有少少似食麦皮嘅感觉，令成个甜品口感丰富咗。虽然呢个甜品冻/热食都得，但我会推介食冻嘅，热食应该会比较“漏”呢。☝🏻柠檬爱玉 🍋呢个同平时喺台式饮品店饮到嘅差唔多，冇太大惊喜，但爱玉份量偏多，软硬适中。可能我个人唔钟意食太甜，觉得甜度可以低返啲。不过夏天热辣辣，食啲酸味味嘅柠檬嘢系几refresh嘅，推介俾爆哂汗嘅朋友解暑💦🍋☃️❄️。