水記

营业中

休息中

媽媽介紹我，我介紹給外國朋友，地道小菜仲要咁近屋企，立即帶外國朋友嚟食香港第一餐。應該係星期五，全場爆滿，好在好快有位，坐落都尚算可以，唔會迫得離譜，係會嘈少少，不過當過驗下地道風味啦。呢度最驚喜嘅係佢有少許泰式同潮式嘅小菜，叫咗個泰式生蝦刺身同埋蠔餅，生蝦爽口彈牙，點埋醬汁好正。蠔餅炸到脆卜卜，豪仔完全冇腥味，大大粒點魚露胡椒粉已經好好味，但後來發現點泰式生蝦汁更有驚喜。蒜蓉粉絲蒸蜆，豉油汁香甜，食完一粒接一粒。沙薑雞味道不濃，雞肉還好，好在有另外的沙薑汁比你點，另外高興的是有鵝腸雞雜在旁邊。