水記

营业中

休息中

妈妈介绍我，我介绍给外国朋友，地道小菜仲要咁近屋企，立即带外国朋友嚟食香港第一餐。应该系星期五，全场爆满，好在好快有位，坐落都尚算可以，唔会迫得离谱，系会嘈少少，不过当过验下地道风味啦。呢度最惊喜嘅系佢有少许泰式同潮式嘅小菜，叫咗个泰式生虾刺身同埋蚝饼，生虾爽口弹牙，点埋酱汁好正。蚝饼炸到脆卜卜，豪仔完全冇腥味，大大粒点鱼露胡椒粉已经好好味，但后来发现点泰式生虾汁更有惊喜。蒜蓉粉丝蒸蚬，豉油汁香甜，食完一粒接一粒。沙姜鸡味道不浓，鸡肉还好，好在有另外的沙姜汁比你点，另外高兴的是有鹅肠鸡杂在旁边。