時新快餐店 (已結業)

作为一位真‧香港人，如果你未食过时新汉堡包，真系值得惭愧！时新汉堡包系属于香港人既味道，又平又好味，虽然餐厅地方劲浅窄，非常唔好坐，但大家仍然唔介意买外卖企响门口食，亦唔会会介意门口既长龙，会乖乖咁排队。而我，久唔久都会心思思想黎食，今日都唔例外。一如既往，门口都系排住长龙，无紧要，我目标明确：汉堡芝士蛋包！排队去！等左大约10分钟，汉堡新鲜热辣做起。一打开，原来块牛肉都几细，但胜在够厚身，唔会话咬落去无馅。汉堡系用新鲜牛肉打出黎，松软有肉汁，而且仲有好多洋葱粒，好香好好味！画龙点睛既仲有个沙律汁，酸酸甜甜，开胃又惹味，热辣辣，真系写住稿谂起都想食！最重要系，咁高质素既汉堡包，售价系超廉宜，只系20皮！果然系香港人既好朋友，学生哥既美味饭堂，好快又要黎下一次啦。