殿·大喜屋

营业中

休息中

位于帝京酒店嘅日式放题一直大受欢迎，以亲民价格提供多达100款美食，刺身、灸烧、卷物、寿司、军舰、一品料理、烧物、串烧、炸物、天妇罗、面锅、蒸焗铁板、甜点、饮品，仲有无限任食鱼子酱同榴梿蓉，适合约一家大细嚟聚餐。刺身肥美鲜甜，灸烧寿司细细件，私心推介鱼籽酱拖罗同盐烧左口鱼边，海胆拖罗鳕鱼干手卷卖相一流，份量足，只怕大家食唔够。炸物同天妇罗炸至酥脆可口，鸡翼嫩滑多汁，榴梿炸弹真系会爆浆，热辣辣上枱记得要趁早食，仲有烧七味鳕鱼干，又薄又脆，点埋酱汁啱啱好。唔钟意食生冷或炸嘢亦有酒楼级别嘅中式菜。大大力推介避风塘炒蟹同蜜汁脆鳝，前者啖啖肉够惹味，后者脆身唔腥，唔觉唔觉都Encore咗好几次。极尚椰皇燕窝炖蛋白同样出色，淡淡香气，入口即化，基本上每一台都有叫。自助区更会不时更换食材同Refill食物，行过经过唔好错过。