更多
2022-07-14
1095 浏览
616牛肉火锅专门店成日都去,通常都系中午时间特式:呢间616好多分店,相信好多香港人都听过,但我最钟意去系佢尖沙咀𠮶间分店(616麦子),因为佢环境最好,又唔多人,同埋呢间分店会有比较多嘅手工啤酒选择,同埋好似净系呢间分店先有串烧提供。食物:一人火锅 - 最钟意叫佢个一人火锅,只系78蚊,但就有好多野食,有几片牛肉,几粒丸,两只蛋饺,两旧豆腐,一只帆立贝,一个蔬菜篮同一个主食,一个成年人已经够饱,确实抵玩。熔岩沙嗲汤底 - 最钟意叫佢呢个汤底用嚟渌公仔面,入晒味,正到晕,渌乌冬都唔错,因为佢够杰身,都挂到汁。火锅配料 - 佢有多款牛肉唔同既部位可以拣,蛋饺同丸质素都唔错,如果净系个一人锅唔够食,仲可以散叫佢其他肉类,lunch时段散叫餐牌其他食物有8折,几抵食。小食 - 真心推介佢个小食,油趣鱼皮,每次去亲都会叫,好食到震,又爽又有少少辣,好香口惹味,送酒一流。饮品 - 有一般汽水,但最正系佢有多款手工啤酒拣,尖沙咀间分店有特别多手工啤拣,呢个都系我会成日去尖沙咀分店嘅原因。环境:餐厅环境好好,地方阔落光猛,枱又够大,lunch时间又唔多人,坐得好舒服,又唔嘈唔迫。服务:服务态度非常
成日都去,通常都系中午时间
特式:呢间616好多分店,相信好多香港人都听过,但我最钟意去系佢尖沙咀𠮶间分店(616麦子),因为佢环境最好,又唔多人,同埋呢间分店会有比较多嘅手工啤酒选择,同埋好似净系呢间分店先有串烧提供。
食物:
一人火锅 - 最钟意叫佢个一人火锅,只系78蚊,但就有好多野食,有几片牛肉,几粒丸,两只蛋饺,两旧豆腐,一只帆立贝,一个蔬菜篮同一个主食,一个成年人已经够饱,确实抵玩。
熔岩沙嗲汤底 - 最钟意叫佢呢个汤底用嚟渌公仔面,入晒味,正到晕,渌乌冬都唔错,因为佢够杰身,都挂到汁。
火锅配料 - 佢有多款牛肉唔同既部位可以拣,蛋饺同丸质素都唔错,如果净系个一人锅唔够食,仲可以散叫佢其他肉类,lunch时段散叫餐牌其他食物有8折,几抵食。
小食 - 真心推介佢个小食,油趣鱼皮,每次去亲都会叫,好食到震,又爽又有少少辣,好香口惹味,送酒一流。
饮品 - 有一般汽水,但最正系佢有多款手工啤酒拣,尖沙咀间分店有特别多手工啤拣,呢个都系我会成日去尖沙咀分店嘅原因。
环境:餐厅环境好好,地方阔落光猛,枱又够大,lunch时间又唔多人,坐得好舒服,又唔嘈唔迫。
服务:服务态度非常好,职员会好有礼貌好用心介绍食品食材,又会推介佢地既手工啤酒。
价钱:人均大约150。
总结:呢个价钱食到咁既火锅系抵食,食物又好,又可以饮到唔既手工啤,又可以拣食下小食/串烧,极之推介。
张贴