Youniqueed (已結業)

难得有me time，独行侠自己出尖沙咀周围游荡，去到加连威老道，随意进入一间cafe，就拣选咗呢间Youniqueed。餐厅内环境宁静，适合独行侠慢慢叹番杯咖啡。虽然系小店，但佢嘅食物选择都唔少。当然仲睇得出佢哋嘅咖啡有几专业。我选择咗坐吧枱，可以欣赏店员用心拉花嘅过程，睇得出佢对咖啡甚有要求。难得的me time，当然要叫返一份All Day Breakfast配番杯Cappuccino叹番吓。All Day Breakfast选料上乘而丰富，有法式多士、纽伦堡肠、烟肉、汉堡扒、烤蕃茄、蘑菇炒蛋、牛油粟米同沙律菜。全部食材都经过制作，绝不是罐头直接上碟嘅货色。我尤其欣赏佢法式多士，非常香脆，简单如一块多士亦都带出精粹所在。 Cappuccino拉花甚有美感，奶泡香滑，咖啡香浓，我就相当欣赏。