影片
更多
2023-11-06
887 浏览
香港仔位于香港南区，除左香港仔鱼蛋粉之外，都唔算好多出名食店。今日有幸同屋企人参加左南区一天团，去左就快迁拆嘅华富村同埋无左珍宝海鲜坊嘅香港仔海滨公园。一天团就系香港仔巿中心解散。 解散时间岩岩好五点半，撞岩晚饭时间，紧系要系香港仔食埋晚饭先走。误打误撞拉到呢间位于横街嘅缅泰皇宫。 一行二人叫左几样黎试下。 炸虾饼($12) 我地一坐低，店员就放低左呢碟虾片，一开始以为系免费，点知埋单果时先知要俾钱。味道都还可以，但系咁嘅份量要收$12 就有啲贵。 泰沙嗲-3猪3鸡($88) 不过不失嘅串烧，但猪肉比较鞋同干，不过热辣辣 青咖哩牛肉($88) 牛肉都几林身，但可惜青咖哩本身似就咁汁还汁，牛肉还牛肉，无一齐煮过，牛肉食唔出咖哩味。 缅甸煎薄饼($30) 煎薄饼好热好香，配上青咖哩一齐系都几好食。 香叶辣猪肉松炒饭($76) 炒饭都干身，饭粒粒分明，配埋肉松一齐食都几香， 椰汁西米糕(免费) 虽然系免费，但略嫌太甜。 呢餐整体黎讲，中规中距，试一次都可以。
解散时间岩岩好五点半，撞岩晚饭时间，紧系要系香港仔食埋晚饭先走。误打误撞拉到呢间位于横街嘅缅泰皇宫。
一行二人叫左几样黎试下。
炸虾饼($12)
我地一坐低，店员就放低左呢碟虾片，一开始以为系免费，点知埋单果时先知要俾钱。味道都还可以，但系咁嘅份量要收$12 就有啲贵。
泰沙嗲-3猪3鸡($88)
不过不失嘅串烧，但猪肉比较鞋同干，不过热辣辣
青咖哩牛肉($88)
牛肉都几林身，但可惜青咖哩本身似就咁汁还汁，牛肉还牛肉，无一齐煮过，牛肉食唔出咖哩味。
缅甸煎薄饼($30)
煎薄饼好热好香，配上青咖哩一齐系都几好食。
香叶辣猪肉松炒饭($76)
炒饭都干身，饭粒粒分明，配埋肉松一齐食都几香，
椰汁西米糕(免费)
虽然系免费，但略嫌太甜。
呢餐整体黎讲，中规中距，试一次都可以。
张贴
