駟馬拖車潮汕飯店

营业中

休息中

Happy Friday食午餐一定要食好啲，同几位同事一行7人一齐去饮茶，香港仔酒楼都唔算少，但好食真系唔算多，今日就谂住试下呢间潮州式酒楼，睇吓会唔会好食过同区其他𠮶几间，食完之后，个个同事都大赞好食。除咗潮州嘢，仲有啲粤式点心，咁我哋就total叫咗十样嘢，最后都食剩少少。食咗咁多道菜，真系几乎每碟都咁好食，连个前菜酸菜同事都话好味，唯独是个蛋散，一啲都唔脆，完全唔好食，最后都无人愿意清埋佢，由佢食剩。去亲潮式餐厅，糖醋面就一定要试啦，煎得唔错，几位同事第一次食都大赞好味想encore。虾多士同虾春卷有啲似，都系炸得好香口，叉烧肠都皮薄馅靓，系水晶包有啲腬，最后埋单每人都系八十几。食完一次，个个大赞，以后午餐如果同同事饮茶，驷马拖车一定会系首选，下次过嚟试埋啲卤水嘢先。