多寶美食

营业中

休息中

疫情咁耐，已经好耐冇去旺角街头扫街，今日难得几口子出嚟行吓，路经呢间小食店，就凑热闹比小朋友认识咩系香港传统小食。佢似乎主打炸大肠，虽然我平时都唔系特别喜欢，不过都叫串黎试吓，外皮都炸得够脆，$16有切开五旧一串。臭豆腐$10一砖，老实讲就唔系好臭，不过都外面都炸得够脆身，加埋甜酱辣酱都OK嘅。另外有碗仔翅同埋生菜鱼肉， $22一碗，都几大碗，鱼肉好多，碗仔翅唔记得落醋，感觉淡咗啲。扫街当然唔少得咖喱鱼蛋同烧卖，鱼蛋系细细粒𠮶款，烧卖都几好食，再加咗墨鱼、牛柏叶和牛丸，都几爽口弹牙，唔错嘅。本身带住小朋友扫街就唔系太方便，点知呢度咁岩隔离有个公共空间仲有枱櫈可以坐低，有别有一番风味。