串本屋 (已結業)

今日约咗多年无见嘅小学同学见面，而佢住喺柯士甸，佢最后带咗我去佢食开嘅呢间亲民居酒屋，日式盖饭最平$58就有，真系好抵😍。环境方面，位置唔算多只有五张枱。一坐低职员就送上免费小食🥰- 豚肉腩片杂菜锅汤底好清甜，唔会饮完好口渴。猪肉片几新鲜，配料非常丰富，包括芝士竹轮、金针菇、年糕福袋、娃娃菜同粉丝。- 清酒煮蚬虽然煮法简单，但每次去居酒屋都会叫清酒煮蚬🤣。Sake为肥美嘅蚬肉添一份淡淡酒香，食完非常暖胃。- 酱汁烧豆腐串豆腐外皮焦脆，内里仍然嫩滑，配上甜味酱汁令豆香味更突出，不过略嫌酱汁有啲多。- 鸡肉串四色套餐鸡肉串套餐一共有四种味道，包括梅子酱、明太子酱、萝卜蓉同辣汁芝士。- 免治鸡肉棒三色套餐包括原味、明太子酱同萝卜蓉酸桔梗汁。三款味道各有特色，食得出鸡肉同鸡软骨比例恰到好处，呢度既免治鸡肉棒系我食过最好食嘅头三名👍🏻- 烧元贝元贝几甜，肉质鲜嫩，唔会烧到好老。另外元贝上面加咗蒜蓉一齐烧，味道更加惹味😋- 明太子烧饭团饭团同我女朋友拳头咁大👊🏻，饭团口感焦脆，入面有大量明太子，明太子独有嘅咸香味好正🤩- 巨峰乳酸梳打味道唔算太甜，仲要好大杯👍🏻总括而言，以上所有食物都好抵食，唔怪