影片
更多
2023-01-04
59 浏览
📍Pondside - #YFF金钟 【香港公园湖畔瀑布cafe🪴落地大玻璃园景仿置身外国】近排ig俾呢间落地玻璃湖畔cafe洗晒版，环境布局景色靓到以为系外国餐厅，其实系坐落喺香港公园入面～ 一踏入餐厅就feel到俾温暖嘅阳光包围住，坐喺窗口位仲可以欣赏住瀑布池景咁食嘢，超级chill(๑˃̵ᴗ˂̵)!! 嚟之前见到大家对呢到嘅食物评价都比较一般，点知食落有惊喜㖞(´･_･`)加埋呢个咁靓嘅景同埋咁写意嘅vibe，性价比其实几高。不过窗边位长期好full，大家记得提早book定位！❝Lunch set❞ — $218⧐ Manpo Salad witn Prawns, Avocado in Honey mustard Dressing 沙律菜新鲜爽脆，配埋香甜嘅芒果、软滑嘅牛油果同埋大只爽口嘅鲜虾，成个配搭相当清新开胃。⧐ Crprese Salad经典意式沙律，简单将蕃茄同埋水牛芝士切片，再淋上罗勒汁，永远唔会出错嘅美味前菜组合～⧐ Truffle Risotto w/ Sea Urchin (+$60)意大利饭非常香浓creamy，口感烟韧，芝士随著热辣辣嘅饭粒呈半溶状态，食落湿润又
【香港公园湖畔瀑布cafe🪴落地大玻璃园景仿置身外国】
近排ig俾呢间落地玻璃湖畔cafe洗晒版，环境布局景色靓到以为系外国餐厅，其实系坐落喺香港公园入面～ 一踏入餐厅就feel到俾温暖嘅阳光包围住，坐喺窗口位仲可以欣赏住瀑布池景咁食嘢，超级chill(๑˃̵ᴗ˂̵)!! 嚟之前见到大家对呢到嘅食物评价都比较一般，点知食落有惊喜㖞(´･_･`)加埋呢个咁靓嘅景同埋咁写意嘅vibe，性价比其实几高。不过窗边位长期好full，大家记得提早book定位！
❝Lunch set❞ — $218
⧐ Manpo Salad witn Prawns, Avocado in Honey mustard Dressing
沙律菜新鲜爽脆，配埋香甜嘅芒果、软滑嘅牛油果同埋大只爽口嘅鲜虾，成个配搭相当清新开胃。
⧐ Crprese Salad
经典意式沙律，简单将蕃茄同埋水牛芝士切片，再淋上罗勒汁，永远唔会出错嘅美味前菜组合～
⧐ Truffle Risotto w/ Sea Urchin (+$60)
意大利饭非常香浓creamy，口感烟韧，芝士随著热辣辣嘅饭粒呈半溶状态，食落湿润又有咬口。加埋黑松露酱香气四溢，仲有鲜甜又唔腥苦嘅海胆，将整体味道升华不少。
⧐ Crispy Tonkatsu Pork Cutlet (+$30)
日式吉列厚切黑豚肉，炸后金黄薄脆，肉质粉嫩充满肉汁，而且唔会食到成口油，味道相当有惊喜。配埋沙律酱同日式猪扒酱一齐食更加惹味～ 仲有椰菜丝沙律帮助解腻！
张贴
