釜之魂釜飯專門店 (淘大商場) (已結業)

喺香港釜饭专门店真系少之又少，又去唔到日本食正宗嘢，好彩都揾到喺淘大嘅呢间釜饭，仲要系黄嘅！唔知系咪因为午餐，lunch menu 上嘅选择比想像中少，不过因为好饿所以都轻松拣到！不过当试第一啖汁烧牛盛饭时就好怀疑自己系咪真系食紧釜饭，因为上面啲牛肉系唔够热嘅，好可能系后尾先放上面，而且饭只系白饭，咁就同食don 饭无分别咁。味道不过不失，而且肉量同饭量都非常之多，对得住个价钱嘅。而价钱贵好多嘅金魂，条鳗鱼系好热嘅，而且烧汁系好多，但始终都唔系釜饭感觉。所幸系味增汤有额外落料，饮落都开心啲。虽然话系同路人，不过入面啲年轻店员睇落好唔想返工黑哂面又粗声粗气咁，个人觉得除咗食物仲有服务态度都要改善先可以更上一层楼。