勝博殿日式炸豬排

营业中

休息中

细个嘅时候，记得食过某间连锁快餐店嘅吉列猪排饭，自此之后，我就对吉列猪排失去兴趣，觉得又干又难食！但自从几年前去日本果时，食过令我回味无穷嘅吉列猪排之后，我对呢样食物完全改观。原来唔系食物嘅问题，而家餐厅烹调技巧嘅问题！！曾经响日本胜博殿食过，觉得抵食夹好味。希望香港嘅胜博殿唔会令我失望啦！///呢间餐厅保留咗日本炸猪排餐厅嘅传统，可以无限任添前菜同生椰菜丝！///炸猪排套餐- 炸出黎都算juicy，但同日本胜博殿无得比。- 吉列猪排啲肉同皮竟然好易就分开到，觉得十分失望。- 猪排酱有日本胜博殿嘅风味。- 椰菜丝都同我响日本食嘅差唔多。- 价钱十分贵（$148未加一），系日本胜博殿嘅double。可能我期望过高，亦都觉得佢嘅质素远远不及日本（价钱已经其次）。始终食过日本胜博殿，发现同呢间比真系输几条街。如果你未食过日本胜博殿的话，其实都可以一试；但如果食过，我相信你都会同我一样：失望而回。