Y Pasta (已搬遷) 新店位置

听友人讲呢间Homemade意粉系Hidden Gem，终于有机拜访下喇。2个人上到来，空间不大且几乎坐满食客，稍等左5分钟先入到座。整个格局平民贴地，CASUAL舒服，开放式厨房睇到晒师傅点整意粉PIZZA。但呢啲都唔系重点，从来我都系食物质素先决。龙虾汤鲜味浓郁，啖啖鲜虾肉爽脆，质素中上。龙虾蛋黄酱菠罗大虾PIZZA个名出现左两次虾，可以想像几有虾味！材料贵精不贵多，饼底脆薄带小麦味及微微焦香，大虾鲜甜肉爽，菠罗清新甜美，最欣赏个龙虾蛋黄酱同Mozerella芝士既绝配，享用前再洒数滴柠檬汁~WOO!正到无朋友。整PIZZA真系一种俐落既艺术，值得我俾满分。烟肉豌豆巴马臣芝士手制薯团明明呢度招牌系意粉，唔知点解我地最后拣左呢个。可能贪佢够特别。手制薯团外表有微焦，咬落质感相当AL DENTE，好香薯味又无食薯仔既饱滞感，而且同微焦既巴马臣芝士同忌廉完全融和，你中有我我中有你，根本唔驶任何配料已经好食到晕，所以烟肉豌豆都变成BONUS！喺呢度我食左人生第二好食既PIZZA(第一果次喺意大利)，同埋第一好食既薯团。而且系咁既价钱，夫复何求？完。