影片
更多
2022-01-29
1024 浏览
Lunch@莎乐美餐厅，香港史上最差服务既餐厅。上层封左唔俾坐，明明入面有位但逼客人坐门口位，个位有阵臭味，唔食起身走，新仔侍应立即话入面有位，最后被安排水吧前卡位。调位后俾一位广东话讲唔正既雌性老屎忽怒啤，餐具扔喺餐桌，仲有一张极污糟既餐桌布（仲污糟过抹脚布），态度极差，问食咩？客人落单饮品，佢就话问你饮咩汤，讲左3次可乐，最后发现饮品漏单，全靠新仔侍应补返。未饮完汤，主餐（莎乐美什扒铁板）已经送上台，铁板唔够热，汁倒上去无「滋滋」声，饮完汤个铁板冻晒。虽然好多人话材料丰富（火腿、猪扒、鸡扒、大虾、肠仔），每样一件，份量唔多，特别系块鸡扒分开两小件，望落似鸡块多啲。肉质黎讲属于垃圾级别，猪扒老咬唔开，鸡扒有D臭，火腿肠仔大虾最正常。至于杯饮品同雪糕亦系迷你级别。老老实实，$68加一收费，并唔抵食。同样，未食完主餐，雪糕甜品已经送上台，食完主餐个雪糕熔晒，但杯饮品就迟迟未上（漏单）。用餐过程，一群侍应塞系水吧前面讲个不停，从跑马股价一路讲到葵涌疫情，鸡啄唔断，粗口连连，但客人招手无人理。个刻我终于明白自己点解被人针对，原来水吧前系卡位系蛇王位，老屎忽嫌客人坐低阻住佢地倾计，所以无所不用
上层封左唔俾坐，明明入面有位但逼客人坐门口位，个位有阵臭味，唔食起身走，新仔侍应立即话入面有位，最后被安排水吧前卡位。调位后俾一位广东话讲唔正既雌性老屎忽怒啤，餐具扔喺餐桌，仲有一张极污糟既餐桌布（仲污糟过抹脚布），态度极差，问食咩？客人落单饮品，佢就话问你饮咩汤，讲左3次可乐，最后发现饮品漏单，全靠新仔侍应补返。
未饮完汤，主餐（莎乐美什扒铁板）已经送上台，铁板唔够热，汁倒上去无「滋滋」声，饮完汤个铁板冻晒。虽然好多人话材料丰富（火腿、猪扒、鸡扒、大虾、肠仔），每样一件，份量唔多，特别系块鸡扒分开两小件，望落似鸡块多啲。肉质黎讲属于垃圾级别，猪扒老咬唔开，鸡扒有D臭，火腿肠仔大虾最正常。至于杯饮品同雪糕亦系迷你级别。老老实实，$68加一收费，并唔抵食。
同样，未食完主餐，雪糕甜品已经送上台，食完主餐个雪糕熔晒，但杯饮品就迟迟未上（漏单）。
用餐过程，一群侍应塞系水吧前面讲个不停，从跑马股价一路讲到葵涌疫情，鸡啄唔断，粗口连连，但客人招手无人理。个刻我终于明白自己点解被人针对，原来水吧前系卡位系蛇王位，老屎忽嫌客人坐低阻住佢地倾计，所以无所不用其技咁想赶个客走，其中一位侍应不断话佢地生意好差，无学生，其实咁既服务态度仲想满座？未执粒已系奇迹。
全程最好态度系埋单，举手竟然一呼百应，收加一服务费但要客人自己行去门口俾钱，张单金额$74.8但实收$75，虽然2毫子唔多但有种被强抢既感觉。
小弟自出生以来第一次食铁板30分钟食完，俾钱买气受，应该热既唔热，应该冻既唔冻，想静静地堂食Lunch，一群侍应吱吱渣渣仲嘈过收音机，已black List，永无下次。
罗宋汤与超污糟红餐巾
34 浏览
0 赞好
0 留言
铁板午餐
54 浏览
0 赞好
0 留言
大虾什扒
44 浏览
0 赞好
0 留言
张贴
