影片
更多
2022-01-30
976 浏览
周六一早去銀行排完隊，經過見到這間新開的咖啡店 BOLD Coffee，八卦入去食個早餐。深水埗Cafe 唔係間間有野食，這間有齊主食、飲品和甜品都幾多元化，仲特別配合返布街這個主題，環境幾有特色架！位處布行臨立的基隆街，咖啡店以「布」為主題都幾合理。「BOLD」即係「布」的諧音，一入門口有一面用布條織的打卡場，手工感濃厚。咖啡店面積比想像中大，座位唔會排得好緊密，開揚舒服。偽藤椅有少少度假風，牆上繼續有布藝裝飾。玻璃櫃有幾款麵包酥餅。餐牌用布片製作，造型就好似街上隨處可見的布辦一樣，手作人一定好有親切感。飲品有咖啡、朱古力、抹茶和其他茶飲。食物有肉有素，都係咖啡店常見的多士意粉咁啦。牛油果炒蛋酸種多士 HK$88 / Latte HK$45這個多士沒有標明係素食，所以我懷疑個沙律汁可能有魚(？)，如果有疑慮的話應該問清楚。不過我想話咖啡店 overprice 都幾嚴重，一個咁樣既早餐要 $133 落樓，如果叫素食全日早餐要 $200 先出到門口，食物質素唔差但係唔係真係要這個價錢？深水埗物價真係太高漲，咖啡店只可以好間唔中食一次，都係返屋企自己煮算啦。
周六一早去銀行排完隊，經過見到這間新開的咖啡店 BOLD Coffee，八卦入去食個早餐。深水埗Cafe 唔係間間有野食，這間有齊主食、飲品和甜品都幾多元化，仲特別配合返布街這個主題，環境幾有特色架！
位處布行臨立的基隆街，咖啡店以「布」為主題都幾合理。
「BOLD」即係「布」的諧音，一入門口有一面用布條織的打卡場，手工感濃厚。
咖啡店面積比想像中大，座位唔會排得好緊密，開揚舒服。
偽藤椅有少少度假風，牆上繼續有布藝裝飾。
玻璃櫃有幾款麵包酥餅。
餐牌用布片製作，造型就好似街上隨處可見的布辦一樣，手作人一定好有親切感。
飲品有咖啡、朱古力、抹茶和其他茶飲。
食物有肉有素，都係咖啡店常見的多士意粉咁啦。
牛油果炒蛋酸種多士 HK$88 / Latte HK$45
這個多士沒有標明係素食，所以我懷疑個沙律汁可能有魚(？)，如果有疑慮的話應該問清楚。不過我想話咖啡店 overprice 都幾嚴重，一個咁樣既早餐要 $133 落樓，如果叫素食全日早餐要 $200 先出到門口，食物質素唔差但係唔係真係要這個價錢？
深水埗物價真係太高漲，咖啡店只可以好間唔中食一次，都係返屋企自己煮算啦。
张贴
