台灣館 (已結業)

又食台湾嘢啦，但睇完餐牌发觉呢间台湾馆又唔只台式咁简单㖞，连烤鱼同酸菜鱼都有，甚至连香港中式食肆必有嘅小炒王都有。就叫个小炒王试吓，睇吓台湾嘅小炒王有咩唔同先。😅呢碟🔪招牌小炒($82)王其实由上枱到入口，我都系揾唔到有咩台湾嘅味道，虽然如此，但唔失望嘅，因为都几好食。韮菜花好靓无渣，仲好爽脆;其他配料仲有小炒王必有嘅腰果同虾干、鱿鱼须、仲有冬菜(好似系😅)。味道十分浓郁惹味，送饭🍚非常适合。台湾馆点可以唔食台湾𩠌?!我地仲叫左🐓台湾三杯鸡($72)。入口有非常香嘅九层塔味道，鸡肉好弹牙，配料嘅红洋葱好甜，整体系煮得非常入味、香浓。整晚亮点所在，亦系吸引我同朋友入嚟嘅系饮品🥤，朋友嘅椰岛珍珠奶茶($27)，同我果杯草莓珍珠奶茶($27)都好好饮。 朋友话佢果杯椰子味几香，入口唔会太甜，啱佢口味。至于我果杯，我会形容似食紧士多啤梨雪糕嘅感觉，香甜、滑溜。我同朋友都大赞嘅系洒喺面嘅胚芽好香麦味，伴著饮料进食，十分正! 整体评分系:虽然未尝到地道台湾嘅感觉，但有惊喜，晚饭小菜可媲美大酒楼菜式，但装修感觉比酒楼雅致得多。