回憶客棧

营业中

休息中

无意中俾我发现咗呢间好隐蔽嘅串烧小店。店面有10多个位，简约木系风格，柜台后有个特色酒柜，啱晒良朋知己黎小酌一番。朋友太肚饿关系，我地点咗2个招牌花甲粉丝同好几样串烧。招牌花甲粉丝 用锡纸包成山形上台，一打开好香浓嘅花甲香，花甲份量多，正常size但好鲜甜。粉丝吸晒啲汤同花甲鲜味，好好味！烧鸡泡鱼干🍺餐前送酒小食，必点之选。烧热上台，软冧好𡁻口。烧茄子🍆另一必点之选。差不多2只手掌长嘅茄子，烧到外皮有微微脆口，简单加上大量蒜蓉同孜然粉调味，十分惹味。烧鲍鱼仔肉质弹牙爽口，无太多调味，保留咗本身嘅鲜味。牛油金菇锡纸包住上台，将金菇浸泡在牛油汁中，好入味。烧娃娃菜、翠肉瓜🥬好甜嘅新鲜蔬菜，翠肉瓜加咗调味粉烧，烧完一啲都唔干身。串烧鸡肾、牛舌、墨鱼丸🍢鸡肾好好咬口;厚切牛舌嫩口; 墨鱼丸非常弹牙好味。串烧金菇肥牛卷、鳗鱼 🐟 金菇好入味，牛肉烧到半脆口; 鳗鱼串烧到微㶶，有点炭烧味道 。餐牌上仲有好多海鲜选择(如扇贝、花蟹、鲈鱼等)，爱吃串烧、海鲜嘅朋友可以黎呢度试下。