新興食家

营业中

休息中

想系香港食地道怀旧手工点心并唔容易，新兴食家由凌晨三点开到下午四点，一早已经好多人会排队。呢度冇点心纸，要自己出去排队拎，或者听到店员叫某点心出炉，然后问佢拎点心，新鲜出炉点心手快有手慢冇呀。----------😋怀旧糯米包 $18以花生虾米腊味炒糯米饭，外面包住黄色外皮，糯米饭湿度适中，有咬口。😋皇牌流沙包 $21皮薄多馅，流沙饀浓浓嘅咸蛋黄同奶香，仲有好多咸蛋黄粒，流心饀多到爆到黎，甜而不腻，面包够软熟。😋咖哩金钱肚 $20小编平时唔食牛肚，今次呢个咖哩金钱肚煮得好好淋好入味，最后仲叫多咗一碟。😋香脆炸鲜奶 $18总共有三大旧，外脆内软，外皮炸粉好薄好脆 ，入口唔油腻，食到啖啖香浓鲜奶，新鲜出炉炸鲜奶半流心，口感十足。😋豆苗虾饺皇 $22虾饺皮比较厚，但馅料新鲜搭救，虾爽口弹牙，够又大只。😋腊味萝卜糕 $18传统一砖萝卜糕，面头有好多腊味同虾仁，闲落已经好香，食落仲有好多萝卜丝，唔会净系得沾米粉。😋黄金马拉糕 $18呢款就比较失望，马拉糕相对干身又硬，唔松软，但份量多，如果想饱d可以考虑食马拉糕。---------呢度充满怀旧味道，价钱合理，唔洗加一，但地方浅窄需要同其他人搭枱，同