沙田強記雞粥 (已結業)

难得星期日同小公主系沙田UA睇完戏，梗系唔好浪费左食好野既大好机会。唔想起到咁远，就地谂下有咩好食，脑海里面不其言浮起『沙田鸡粥』呢样野，由细听到大，但就真系未食过，一于去食下。间野位于大围一条小街巷。本身打算就咁食鸡粥同叫只乳鸽，点知去到见仲有好多野拣，仲要系岩哂我俩口味的大排档野。决定唔理咁多叫叫叫，食餐饱既。红烧乳鸽。呢一味系成晚最好既，本身我唔系好钟意红烧，会叫豉油王，因为我食好多间都会烧到干哂，点知呢间真系造得不错，皮香脆而不会好似烧干只鸽咁，仍然保留到嫩口肉质，由只鸽个脚茎位可以见到佢烧到岩岩好。鸡粥。没有怎样失望。好有米香，有鸡带出的咸味系里面，但鸡肉仍然唔『孩』，我同公主都相信系后加既，应该系先用鸡骨及鸡肋滚左先，味道温和，好味道!豉椒炒圣子。同真正大排档火喷喷炒出黎的略为少了一点火气，有点住家感觉，可以改善，唯汁的味道及圣子肉质都算不错，下一次试下蒸既可能会比较出色。沙拉骨。用了千岛酱而不是平日的白沙律酱，我个人会觉得味道有点不太配合，酸的味道不太自然，而且较为过了点火喉，肉太干。总括而言，招牌的菜式始终有功架，其他的可以一吃，但不及专门的大排档好。价钱都唔算贵。