神虎拉麵 (已結業)

即食即分享，湾仔其实有好多好野食，琴晚就试咗呢间神虎拉面（因为见门口都有几多人排紧队）。老实讲，真系好耐冇食过啲咁好味嘅日本拉面喇！识食拉面嘅，一定系食个汤。因为面嘅粗幼、软硬，喺一般嘅拉面店都有得拣架喇，所以汤就变咗成碗面最重要嘅一环！而喺香港食嘅拉面入面，佢地嘅汤通常都系劲浓味，浓到食唔到其他野嘅味（包括𩠌、蛋同埋面嘅味），仲要好多时会因为落得太多味精，而要狂饮水，食完又会觉得好腻好济但好老实，呢间嘅汤竟然系唔觉得油腻，仲有几香嘅猪骨味。拿…留意返，唔系好浓、亦都唔系好淡嘅猪骨味，而系适中！食完都唔会好口渴，呢个我叫咗硬身嘅幼面条，好有咬口，正啊！！呢个大大碗嘅招牌拉面就可以食得好饱肚，double咗个叉烧，有紫菜食，咩配料都有齐，佢嘅汤咪都好香，但我个人比较「重口味」，所以白虎浓少少味，我个人钟意啲。（谨记每款拉面都加返香油，因为真系好味同埋香好多。）另外叫嘅呢个饺子，都好正！煎得好香，个皮仲有少少脆，入面包住啲肉汁，热辣辣食完真系好满足❤️两个人食2百零蚊，其实就同正常拉面店差唔多价，但呢间质素真系几高。不过衰就衰在佢早闩门（好似9点？）搞到我地都赶住走，不过都值得过海食下佢嘅！