烏蠅館 (已搬遷) 新店位置

呢间铺头位置黎讲唔算好，因为街外冇咩大型招牌，要吸引人黎食真系要靠媒体或朋友介绍，先讲入门第一关，道门好重，拉开真系有种世外桃园既感觉，唔大力拉都以为关左门冇开铺，哈哈，店内装修几精致，充满中式风格，人流不多，人手也不多，出现有客人追单情况，由于烤鱼需时，我叫左条烤鱼都等左半个钟，隔离左右都食得好芝味既时候我地就越等越肚饿😭😭。半个钟后终于上菜，估唔到都几大份，我地叫左个香蒜烤鱼6款配料既套餐。唔包野饮，但配料都几多选择，个人推荐土豆粉必叫。之后尽量叫可以煮得耐既菜，因为个锅会一直滚，如果唔快食菜就会烂晒。条鱼好大条，肉质鲜甜，虽然唔似大陆某间我最喜欢既烤鱼店，但我觉得呢间都煮得几入味，算系几好食。两个人食唔洗加肉都会饱到上心口！