博多拉麵-火之鳥 (已搬遷) 新店位置

好少揾到唔洗加一既拉面店，系一间唔够20个位既小店，1位日本师傅主理，再加一个part-time妹妹。我食左lunch set ($70)，豚骨拉面+饺子+汽水，猪骨汤唔系浓到浆口个只，感觉唔油腻，个细面弹牙几唔错，就咁饮个汤咸左少少，但浸住拉面一羹羹食又觉得OK冇咁咸。叉烧半肥瘦，set 既话叉烧系得1片，就咁叫博多豚骨汤拉面就有3块叉烧($66)。但因为有饺子所以我都觉得足够，脆皮日式煎饺唔错，个皮薄又脆又松化! 仲有溏心蛋我都觉得系恰到好处。因为一人餐厅，都预左野会等耐少少，但整体感觉都不错，各方面都好平均，食完都满足亦够饱，系一间不错既街坊小店。