No Milkshake No Life (山道)

营业中

休息中

香港大学站 港大生必去打卡餐厅Crazy!Cheers!Cheese!（$78）黐线芝士黐住芝士治Premium Wagyu Cheese Burger和牛芝士汉堡包配薯条（$135）呢间餐厅细细间，经常都见到有人喺店外排队，起码等三个字至半个钟先入到座，皆因佢呢个必需打卡嘅红菜头芝士三文治。的确几好食，面包脆，芝士多，除咗流出嚟嘅芝士，面包入面仲布满芝士，食落每一啖都一定有芝士，啱哂芝士控啊！至于汉堡包就一般，冇话特别出色，散散地，和牛都少少Juicy嘅，都系层芝士正啲，令整个包好食咗。我同朋友冇试到Milkshake，因为我地唔好甜而且觉得有啲贵，想试嘅话，焦糖杏仁碎比利士酒好似几受欢迎，可以试下。餐厅环境几潮，但系座位窄，有啲枱好细，直头将凳当枱用（如图），坐得唔舒服，加上成日有人喺出面排队，唔食得耐，唔适合小聚。