臻 (已結業)

呢日因为工作嘅关系嚟到香港大学附近， 做完嘢喺地铁站附近周围揾嘢食， 见到附近有间点心专门店， 就同同事去试下。金菇蟹肉炆伊面( 炒粉面套餐)呢碟伊面都算几大碟，仲有个例汤， 佢将伊面先做炒底， 然后将金菇和蟹肉打个芡汁呢铺面。金沙熊猫将个流心奶黄包造成好似熊猫嘅样貌， 如果带小朋友嚟可以氹小朋友开心， 咬开个包啲流心奶黄差点漏晒出嚟。杏香芋蓉鸭将芋角造成好似一只鸭仔嘅样貌， 芋角呢样点心依家喺出面嘅酒楼都唔容易揾到， 可能系因为工序比较繁复嘅关系， 要将芋蓉包住猪肉馅嚟炸， 呢度嘅芋蓉味都几香， 猪肉馅都几入味。富贵金鱼饺将虾饺做到好似一条金鱼咁嘅形状， 虾肉几爽口弹牙。蒸饭套餐个套餐拣咗鲜菇鸡肉蒸饭， 三款点心有烧卖，虾饺和韭菜会饺，再配油菜，几扺食。